Հանրապետության 37

Այս շենքում 1918-1920 թթ. գործել է Հայաստանի առաջին Հանրապետության կառավարությունը:

Առաջադրանքներ

1. Բարբառով տրված հետևյալ հատվածը փոխադրի՛ր ժամանակակից հայերենի. 

Մին օր կնեկը թորենը վառեց, մին փաղաղ խմոր օներ, հաց թխեց, թխած հացը տղվարեց, պրծավ, մին քյոք վերցակ օներ, փռնեց մորթեց, ծվարավ թռնաճաշ քիցեց: Թորենը ծասկեց, տանը կործը պրծավ, մարդին յախան հվաքեց թե. – Քյնալ պիտենք քոլը, ճախ պիրենք, վեր կարամ օջախը վառեմ: Մարդը կնգանան վախում էր, սուս ու փուս քյանդիրը փորավը տվավ, կնգանը ենդան ինգյավ, քյնացին դբա քոլը: 

Սիամանթո – Թաղում

Ողջու՜յն, «Բարբառներ» ակումբի շրջանակում այս անգամ կարդում ենք արևմտահայ գրողներին։ Որոշեցի ընտրել Սիամանթոյին՝ ինքս ինձ մարտահրավեր նետելով:

«Թաղում» ստեղծագործությունը կարդում է Անահիտ Աբգարյանը։

Առաջադրանք

Տրված հատվածները արևմտահայերենից փոխադրի՛ր արևելահայերեն։

Համո Սահյան «Ոչինչ չի փոխվի»

Իմ մահով ոչինչ չի փոխվի կյանքում,
Ու չի պակասի աշխարհում ոչինչ,-
Մի լույս կմարի հինգերորդ հարկում,
Կմթնեն մի պահ աչքերը քո ջինջ։

Բայց հավքերն էլի հարավ կչվեն,
Մանուկներն էլի կխաղան բակում,
Կանաչներն էլի ցողով կթրջվեն,
Ծաղիկներն էլի կշնչեն մարգում։

Կվառվի լույսը հինգերորդ հարկում,
Կժպտան նորից աչքերը քո ջինջ,
Իմ մահով ոչինչ չի փոխվի կյանքում,
Եվ չի պակասի աշխարհում ոչինչ։