Սիամանթո – Թաղում
Ողջու՜յն, «Բարբառներ» ակումբի շրջանակում այս անգամ կարդում ենք արևմտահայ գրողներին։ Որոշեցի ընտրել Սիամանթոյին՝ ինքս ինձ մարտահրավեր նետելով:
«Թաղում» ստեղծագործությունը կարդում է Անահիտ Աբգարյանը։
Համո Սահյան «Ոչինչ չի փոխվի»
Իմ մահով ոչինչ չի փոխվի կյանքում,
Ու չի պակասի աշխարհում ոչինչ,-
Մի լույս կմարի հինգերորդ հարկում,
Կմթնեն մի պահ աչքերը քո ջինջ։
Բայց հավքերն էլի հարավ կչվեն,
Մանուկներն էլի կխաղան բակում,
Կանաչներն էլի ցողով կթրջվեն,
Ծաղիկներն էլի կշնչեն մարգում։
Կվառվի լույսը հինգերորդ հարկում,
Կժպտան նորից աչքերը քո ջինջ,
Իմ մահով ոչինչ չի փոխվի կյանքում,
Եվ չի պակասի աշխարհում ոչինչ։
Հայրենիք իմ
Չեմ կորցնի երբեք ես Քեզ,
Ի՛մ Հայրենիք, վճիտ երկինք,
Չեմ մոռանա անմահացած
Սխրանքները հերոսների։
Եթե մեկը քեզ ավերի,
Թե փորձի կոտրել նա քեզ,
Չվհատվես, ես եմ հոգիդ.
Չեմ թողնի մարմինդ՝ անշունչ, անխիդ։
12.11.2020թ
Անահիտ Աբգարյան
Անահիտ Աբգարյան 