Վիտամին P

Վիտամին P – ն (բիոֆլավոնոիդների խումբ) նյութերի մի խումբ է, որը մեր օրերում այլևս չի ընկալվում որպես վիտամին, քանի որ օրգանիզմը կարող է այն ինքնուրույն արտադրել։ Վիտամին P-ն բարձրացնում է մազանոթների դիմադրողականությունն ու իջեցնում դրանց թափանցելիությունը։

Ֆունկցիոնալ առումով վիտամին P-ն սերտորեն կապված է վիտամին C-ի հետ և վերջինիս հետ մասնակցում է օրգանիզմի օքսիդա-վերականգնման գործընթացներին։ 

Գործառույթ

Վիտամին P-ն լիարժեք գործում է միայն վիտամին C-ի առկայության դեպքում: Նրա հիմնական գործառույթներն օրգանիզմում մազանոթների թափանցելիության կարգավորումն է, մասնակցությունը նյութափոխանակության օքսիդա-վերականգնման գործընթացներին, շաքարի քանակի կանոնակարգմանն արյան մեջ, ինչպես նաև կանխում է արյունահոսությունները, նվազեցնում խոլեսթերինի քանակը: Վիտամին P-ն հաճախ է կիրառվում երիկամների քրոնիկ հիվանդությունների, հիպերտոնիայի, ալերգիկ հիվանդությունների բուժման ժամանակ:

Որտեղ է պահպանվում

Վիտամին P կա մորու, մոշի, սև հաղարջի, մասուրի, կեռասի, ծիրանի, խաղողի, լոլիկի, մաղադանոսի, համեմի, սամիթի, պղպեղի, հնդկաձավարի մեջ:

Օրական պահանջ

Մարդու օրգանիզմի համար վիտամին P-ի օրական պահանջը կազմում է 25-50 մգ.։

Ինչ է լինում վիտամինի պակասից

Վիտամին P-ի պակասի դեպքում զգացվում է թուլություն, ընդհանուր տկարություն, հոգնածություն, ցավեր վերջույթներում: Անոթների փխրունության պատճառով կարող են առաջանալ փոքր արյունահոսություններ անոթային «աստղիկների» տեսքով և մանր կապտուկներ ամենաթեթև մեխանիկական ազդեցության արդյունքում: Նման դեպքերում նշանակում են բիոֆլավոնիդներ վիտամին C-ի հետ համատեղ: