Տիկին տխրություն

Նաիրի Զարյան

Իմ հյուրն ես այս գիշեր,
Տիկին տխրություն,
Այսօր դու ինձ հիշել
Ու եկել ես տուն:

Նստել ես իմ դիմաց՝
Դեմքիդ մաշված քող,
Նայում ես անիմաստ
Ու պաղ հայացքով:

Դե մի՛ նայիր դժգոհ,
Տիկին տխրություն,
Ես հասկանում եմ քո
Հնավանդ լեզուն:

Կա՛ց, մինչև ես կիսատ
Երգերս ավարտեմ,
Ճանապարհիս բուսած
Խութերը հարթեմ:

Այն ժամանակ արի՝
Ոչ թե ցերեկով,
Այլ մի աշնանային
Խաղաղ երեկո:

Մենք կնստենք դեղնած
Մասրենու ներքո,
Դու կպատմես կամաց
Գաղտնիքները քո:

Իսկ այժմ մի՛ նայիր
Ինձ այդպես դժգոհ
Քո կեսգիշերային
Հոգնած հայացքով:

Դուռն է թակում կրկին,
Ներս կգա շուտով
Իմ խնդության երգի
Մուսան հոգեթով:

Ախ, դու եկա՞ր, իմ սեր,
Իմ քույր իմաստուն,
Իսկ դու… բարի գիշեր,
Տիկին տխրություն:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Start a Blog at WordPress.com.

Up ↑

Create your website with WordPress.com
Get started
%d bloggers like this: