Իմ Բնութագիրը

Ես Անահիտ Աբգարյանն եմ: Ծնվել եմ 2004թ-ին: Դեռ մանկուց եղել եմ հետաքրքրասեր եւ սիրել եմ գրքեր կարդալ: Փոքրուց առանձնահատուկ սեր եմ տածել նկարչության հանդեպ, սակայն անկարող եմ եղել ինքնուրույն մասնագիտանալ այդ ասպարեզում: Զբաղվածությունս հետեւանք դարձավ նկարելու երկարաժամկետ դադարի:

Սիրում եմ խորանալ տարբեր ոլորտներում եւ իմանալ սահմանվածից ավելին: Մեծ      ցանկություն ունեմ ապագայում մասնագիտությունս զուգադրելու պատմաբանության հետ: Հետաքրքրված եմ Հայոց պատմությամբ` հատկապես Արտաշեսյան տոհմի տիրապետման տարիներին ընկած ժամանակահատվածով:

Սովորելու հանդեպ առանձնահատուկ սեր ունեմ, իսկ դասերին սիրում եմ պարտաճանաչ ներկայանալ: Թերությունս եմ համարում մարդկանց հետ շփման ընթացքում կաշկանդվելը:

ՙՙՄուտքի ճամբար՚՚-ի առաջին եւ երկրորդ օրերը

<<Մուտքի ճամբար>>-ի օգնությամբ առաջին կուրսեցիները ոչ միայն ծանոթանում են քոլեջին, այլ նաեւ անմոռանալի ժամանակ անցկացնում:

26.08-ը <<Մուտքի ճամբար>>-ի առաջին օրն էր: Անսովոր է խիստ պայմաններով դպրոցում սովորելուց հետո հայտնվել այստեղ: Ժամանակը անցկացրեցինք հաճելի, ջերմ միջավայրում: Պարեցինք, երգեցինք, ծանոթացանք քոլեջի տարածքին եւ քննարկեցինք պայմանագիրը:

27.08-ը ՝ երկրորդ օրը, էլ ավելի հետաքրքիր անցավ։ Մեր օրը սկսեցինք արդեն ավանդույթ դարձած կերպով ՝ երգեցինք եւ պարեցինք։ Մեզ համար բլոգ բացեցինք, ապա ուղեւորվեցինք դեպի Մայր դպրոց, իսկ այնուհետեւ` ագարակ եւ վերադարձանք տպավորված ու բարձր տրամադրությամբ։